Ligjëratat në lëndën Konceptet e Paluajtshmërive
U mbajtën ligjëratat në lëndën Konceptet e Paluajtshmërive me profesoreshën sllovene Prof.Dr.Alenka Temeljotov Salaj në programin master Menaxhimi i Patundshmërive dhe Infastrukturës në Kolegjin ESLG. Prof.Dr.Alenka Temeljotov Salaj përpos që është profesoreshë e lëndës Konceptet e Paluajtshmërive në Kolegjin ESLG është Dekane e Evropska Pravna Fakulteta v Novi Gorici në Slloveni.
Prof.Dr. Alenka Temeljotov Salaj është eksperte e mirënjohur në nivel botëror në fushën e menaxhimit të patundshmërive. Punimet e Prof.Dr.Alenka Temeljotov Salaj janë të botuara në revistat më të njohura botërore si Emerald, Facility Management, Journal of Real Estate Research etj.
Gjatë këtyre ligjëratave studentët e Kolegjit ESLG jo vetëm që kanë qenë në gjendje të mësojnë për karakteristikat e ndryshme që ndikojnë në vlerën e patundshmërive mirëpo ata gjithashtu kanë zhvilluar edhe kompetencat e hulumtimit në nivel ndërkombëtar duke u mësuar të hartojnë punime të publikueshme në revistat ndërkombëtare. Këto ligjërata janë mbajtur në formën e mësimdhënies së bazuar në hulumtim research guided teaching dhe janë të parat të këtij lloji të zhvilluara në ndonjë universitet në Kosovë.