Validimi i programeve të European Faculty of Law nga Sllovenia
Më 31 maj 2016, në mbledhjen e vet të 42-të Këshilli Shtetëror i Cilësisë i Republikës së Kosovës ka marrë vendim për aprovimin e kërkesës së Kolegjit ESLG për ofrimin e programeve të studimit të European Faculty of Law (www.evro-pf.si) nga Ljubljana në Juridik dhe Menaxhimin e Patundshmërive dhe Infrastrukturës Niveli Bachelor që rezultojnë në diplomë sllovene të njohur në tërë Bashkimin Evropian. Nga tetori 2016 Kolegji ESLG dy programet në fjalë do ti ofrojë vetëm me diplomë sllovene.
Kolegji ESLG është ndër institucionet e pakëta në Kosovë që ofrojnë programe që rezultojnë me diploma të lëshuara nga një institucion arsimor i një shteti anëtar të Bashkimit Evropian.
Studentët që studiojnë në programin Juridik në Kolegjin ESLG kanë mundësi që në vitin e tretë të transferohen për një semestër falas ne Missisipi College of Law në SHBA dhe mëpastaj me një vit shtesë të studimeve të marrin edhe diplomën amerikane Master i Juridikut (LLM).